Ayaa Na Hoga Is Tarah Husn O Shabaab Rait Par
Gulshan e Fatima Kay Thay Saray Gulaab Rait Par
Jan e Batool Kay Siwaa Koi Nahi Khila Saka
Qatra I Aab Kay Baghair Itnay Gulab Rait Par
Jitnay Sawal Ishq Nay Aal e Rasool Say Kiye
Aik Kay Baad Aik Diye Saray Jawab Rait Par
Piyasa Hussain Ko Kaho Itna To Bay Adab Nahi
Lams e Lab e Hussain Ko Tarsa Hay Aab Rait Par
Ishq May Kiya Bachaye Ishq May Kiya Lutaaye
Aal e Nabi Nay Likh Diya Sara Hisaab Rait Par
Aal e Nabi Ka Kaam Tha Aal Nabi Hi Kar Gaye
Koi Na Likh Saka Adeeb Aisi Kitab Rait Par
(Adeeb Rai Puri)
No comments:
Post a Comment