Har Qadam Par Nit Naye Saanchey Mein-Himayat Ali Shayar

Har qadam par nit naye saanchey mein Dhal jaate hay log 
Dekhate hii dekhate kitane badal jaate hay log

Kis liye kije kisii gum_gashtaa jannat kii talaash 
Jab ki mit-tii ke khilone se bahal jaate hay log 

Kitane Saadaa dil hay ab bhii sun ke aavaaz-e-jaras 
Pesh-o-pas se beKhabar ghar se nikal jaate hay log 

Shamaa kii maanind ahal-e-anjuman se beniyaaz aksar 
Apanii aag may chup-chaap jal jaate hay log 

'Shayar' un kii dostii kaa ab bhii dam bharate hay aap 
Thokarain khaa kar to sunate hay sambhal jaate hay log

Poet- Himayat Ali Shayar